Նյու Յորքի քաղաքային օպերայի ղեկավարությունը 2012 թվականին նախատեսված առաջին փորձի ժամանակ դերասաններին փոխարինելու է ժամանակավոր աշխատողներով:
Ինչպես գրում է The New York Times-ը, օպերան այս քայլին դիմել է այն բանից հետո, երբ հունվարի 8-ին NYCO-ի ղեկավարությունը չի կարողացել համաձայնության գալ թատերախմբի հետ, որը բողոքում էր աշխատավարձերի կրճատման, նոր պայմաններով պայմանագրեր ստորագրելու դեմ:
Այդ կերպ, վտանգի տակ էին դրվում օպերայի նոր սեզոնի բեմադրությունները, որոնք նախատեսում էին սկսել փետրվարի 12-ին:
Նյու Յորքի քաղաքային օպերան մոտ տասը տարի գտնվում է ֆինանսական ծանր դրության մեջ, սակայն դերասանների բողոքները սկսվել են միայն անցած գարնանը, երբ օպերայի ղեկավարությունը հայտարարեց Lincoln Center տեղափոխվելու մասին: Տնտեսելու համար օպերայի ղեկավարությունը հայտարարել է աշխատավարձերի կրճատման մասին, սակայն արհմիությունները, որի մեջ մտնում են դերասանները, արդեն մի քանի անգամ չեն համաձայնել աշխատանքային նոր պայմանների հետ: Նրանց կարծիքով, ղեկավարության առաջարկները չեն երաշխավորում աշխատանքի առկայությունը և աշխատավարձերի վճարումը:
Օպերայի դերասանները արհմիություններից թույլտվություն են ստացել գործադուլներ անցկացնել: Արհմիությունների ղեկավարների խոսքերով, օպերայի ղեկավարության նախաձեռնությունը հանգեցնելու է նրան, որ առաջատար երաժիշտները և դերասանները լքելու են NYCO-ն:
