Ամենայն հավանականությամբ Եվրոպային կհաջողվի այս տարի խուսափել ռեցեսիայից: Ինչպես հաղորդում է Reuters-ը այսպիսի կարծիք է հայտնել Արժույթի միջազգային հիմնադրամի ղեկավար Քրիստին Լագարդը:
Նրա կարծիքով՝ «եվրոգոտում իրավիճակը զգալիորեն փոխվել է վերջին 18 ամիսների ընթացքում, ինչի հետ կապված՝ բոլոր հիմքերը կան ապագայի կանխատեսումներում ավելի լավատես լինելու համար»:
Հայտարարությունն արվել է հարավաֆրիկյան մամուլի համար՝ ԱՄՀ ղեկավարի ՀԱՀ կատարած երկօրյա այցի ժամանակ: Սակայն գործակալությունը գրում է, որ ոչ բոլոր փորձագետներն են կիսում Լագարդի լավատեսությունը:
Նշենք, այսօր Ֆրանսիայի նախագահ Նիկոլա Սարկոզին և Գերմանիայի կանցլեր Անգելա Մերկելը Բեռլինում կքննարկեն եվրոգոտու ճգնաժամից դուրս գալու ուղիները:
