Միլիոնավոր չինացիներ ամերիկացի մեծահարուստ ֆինանսիստ Ուորեն Բաֆետին տեսնելու են մինչ այդ անսովոր կերպարում: Ամերիկացի ներդրողը մտադիր է երգել Ամանորին նվիրված գալա համերգի օնլայն տարբերակի ժամանակ: Այս մասին հայտնում է Xinhua գործակալությունը` վկայակոչելով շոուի պրոդյուսեր Վանա Պինցզյուին:
Berkshire Hathaway-ի ղեկավարը, որը Չինաստանում հայտնի է BYD Co Ltd ավտոարտադրող ընկերությունում կատարած ներդրումներով, ընկերության համար հատուկ տեսահոլովակ է ձայնագրել, որտեղ նա երգում է և կիթառ նվագում:
«Մեզ հայտնի է, որ Բաֆետը լավ հասկանում է ներդրումներից, սակայն քչերը գիտեն, որ նա նաև լավ երգում է»,- մեջբերում է գործակալությունը Վանային:
Համերգը հեռարձակվելու է China’s Network Television (CNTV.cn) կայքում լուսնային օրացույցի Ամանորի առաջին օրը` հունվարի 23-ին, իսկ կարճ տարբերակը ցուցադրվելու է կենտրոնական հեռուստատեսությամբ:
Նշենք, որ ավելի վաղ Բաֆետը ԱՄՆ օրենսդիրներից խնդրել էր, որ իրենից պահանջեն ավելի շատ հարկեր վճարել:
