ԱԻՆ լրատվական ծառայությունից «Առաջին լրատվական»-ին տեղեկացնում են, որ այսօր՝ առավոտյան ժամը 04.59-ին ահազանգ է ստացվել, որ Երևանի Երվանդ Քոչարի փողոցի թիվ 21 շենքի 7-րդ բնակարանի բնակչուհին չի արձագանքում դռան և հեռախոսի զանգերին. դուռը բացելու համար անհրաժեշտ է փրկարարների օգնությունը:
Դեպքի վայր է մեկնել հատուկ փրկարարական ջոկատի հերթապահ խումբը: Փրկարարները բացել են բնակարանի դուռը, որտեղ հայտնաբերել են 1924 թ. ծնված Մենիկ Ղազարյանին` ինսուլտի նախանշաններով, և հանձնել դեպքի վայր ժամանած «1֊03» ծառայության աշխատակիցներին:
