ԱՄՆ Կոնգրեսի Հելսինկյան հանձնաժողովի համանախագահ, Ներկայացուցիչների պալատի արտաքին գործերի հանձնաժողովի անդամ Քրիս Սմիթը քննադատել է Վացլավ Հավելի մահվան կապակցությամբ Մոսկվայի արձագանքը՝ հայտարարելով, որ Ռուսաստանի ղեկավարության համար «դեռ ուշ չէ» ցավակցություն հայտնել Չեխիայի ժողովրդին նախկին նախագահի մահվան կապակցությամբ:
«Ես հույս ունեմ, որ նրանք կհայտնեն իրենց ցավակցությունը Չեխիային, ոչ միայն Հավելին ընտանիքին, այլ նաև Չեխիայի Հանրապետության քաղաքացիներին: Վացլավ Հավելը փառահեղ համամասնության հերոս է… նա ասել է, նրան լսել են, նա բարոյական ուղեցույց էր, հեղինակություն»,- ընդգծել է հանրապետական կոնգրեսականը «Ամերիկայի ձայն» ռադիոկայանին տված հարցազրույցի ժամանակ:
«Նույնիսկ ԱՄՆ-ը միշտ իր ցակակցությունն էր հայտնում ԽՍՀՄ-ին նրա առաջնորդների մահվան կապակցությամբ, չնայած Մոսկվայի ուժեղ դիմադրությանը: Ես անձամբ Չեռնենկոյի և այլ առաջնորդների մահվան հետ կապված ստորագրել եմ խորհրդային դեսպանատան ցավակցական մատյանում, քանի որ ես հավատում եմ անհատի նկատմամբ հարգանքին, նույնիսկ եթե միմյանց «սվիններով» են դիմավորում»,- ընդգծել է Սմիթը:
Ռուսաստանը Չեխիային Հավելի մահվան կապակցությամբ ցավակցություն է հայտնել, բայց ոչ առաջին պետական մակարդակով, այլ ԱԳ նախարարության և Պրահայում Ռուսաստանի դեսպանատան աշխատակիցների մակարդակով:
ՌԴ նախագահ Դմիտրի Մեդվեդևի մամուլի քարտուղար Նատալյա Տիմակովան իր հերթին հայտնել է, որ Ռուսաստանից Վացլավ Հավելի հուղարկավորությանը մասնակցելու է Մարդու իրավունքների հանձնակատար Վլադիմիր Լուկինը:
