Ցանկացած ընտրությունների պարագայում տնտեսական ակտիվությունը տուժում է: Ազգային ժողովի տնտեսական հարցերի մշտական հանձնաժողովի նախագահ Վարդան Այվազյանը «Առաջին լրատվական»-ի հետ զրույցում կարծիք հայտնեց, որ պետք է աշխատել, որ ընտրություններն առավելագույնս քիչ ազդեցություն թողնեն, որպեսզի տնտեսության ակտիվությունը չընկնի:
«Ընտրություններից հետո անհամեմատ լավ միջավայր կստեղծվի տնտեսության զարգացման համար, որովհետև երբ քաղաքական դաշտում կայունություն է մտնում, այն թույլ է տալիս տնտեսական ակտիվությունը բարձրացնել: Դա անհրաժեշտ գրավականն է»,- նշեց ՀՀԿ-ական պատգամավորը:
