Նոր Զելանդիայի Օքլենդ քաղաքի Սուրբ Մատթեոսի եկեղեցին թողարկել է Սուրբ Ծննդյան գովազդային պաստառ, որտեղ Կույս Մարիամը պատկերված է հղիության թետսով:
Այդ մասին ասվում է եկեղեցու կայքում: Պաստառում Հիսուս Քրիստոսի ապագա մայրը մի ձեռքում պահում է հղիության դրական թեստը, իսկ մյուս ձեռքով փակում է բերանը:
Ինչպես հաղորդվում է եկեղեցու հայտարարության մեջ, գովազդային արշավը թողարկվել է, որպեսզի խուսափեն «սենտիմենտալությունից և բանականությունից» ու մարդկանց հրահրեն՝ մտածելու և քննարկելու: Տեքստում ասվում է, որ եկեղեցին այս արշավով ցանկացել է նշվող իրադարձությունների իրական լինելը ցույց տալ. «Սուրբ Ծնունդը իրական է: Այն իրական հղիության, իրական մոր և իրական երեխայի մասին է: Այն իրական հուզմունքի, տղամարդկության և հույսի մասին է»:
Հայտարարության մեջ ասվում է, որ շատ կանայք են անցել դրան միջով, ինչպես կույս Մարիամը. «Մարիամը ամուսնացած չէր, նա երիտասարդ և աղքատ էր: Հղիությունը պետք է փոխեր նրա ամբողջ կյանքը: Իհարկե, նա առաջին և վերջին կինը չէր, որ հայտնվել էր նման իրավիճակում»:
Այս նկարը եկեղեցու կայքի օգտատերերի մոտ տարբեր արձագանքներ է առաջացրել. մի մասին վրդովել է այն, իսկ մյուսները հավանել են: Պաստառը հրապարակվել է ոչ միայն եկեղեցու կայքում, այլև մինչև Սուրբ Ծնունդը ցուցադրվելու է եկեղեցու դիմաց:
