Ռուսական Regnum լրատվական գործակալության փոխանցմամբ՝ ԱՄՆ նախկին պետքարտուղար Քոնդոլիզա Ռայսն իր հուշագրքում նշել է, որ Վրաստանի նախագահ Միխեիլ Սաակաշվիլին 2008 թվականին Ռուսաստանին թույլ է տվել սադրել իրեն, ինչը և հանգեցրել է ՆԱՏՕ-ից օտարմանը.
«Մինչ 2008 թվականի պատերազմի սկսվելը ես Թբիլիսիում հանդիպում ունեցա Սաակաշվիլիի հետ, որում Սաակաշվիլին շատ հպարտ ու իմպուլսիվ տեսք ուներ, ինչի համար էլ մենք մտահոգված էինք, որ նա կարող է Մոսկվային թույլ տալ ուժի կիրառման սադրել իրեն։
Փաստացիորեն, նրան հաջողվել է հաջողությամբ հակամարտություն սադրել ևս մեկ խռովարար շրջանում՝ Աջարիայում, ինչը ներքին ու արտաքին ճնշման տակ լուծվեց հօգուտ Վրաստանի կենտրոնական իշխանության։ Մենք վախենում էինք, որ այս նախադեպը կարող է կրկնվել նաև Պուտինի համար սիրելի Սոչիի տարածքին հարակից շրջանում։
Հանդիպման ժամանակ ես Սաակաշվիլիին կոչ արեցի ստորագրել ուժի չկիրառման մասին համաձայնագիր, սակայն նա հրաժարվեց։ Ես նաև նրան զգուշացրի՝ թույլ չտա, որ ռուսներն իրեն ներքաշեն սադրանքի մեջ, քանի որ այդ դեպքում ոչ ոք նրան օգնության չի գա։
Ես նրան հիշեցրի նախագահ Բուշի այն խոսքերը, թե՝ Մոսկվան փորձում է ձեզ ստիպել որևէ հիմարություն գործել, և խորհուրդ տվեցի Ռուսաստանի հետ զինված հակամարտության մեջ չմտնել, քանի որ այդ դեպքում ոչ ոք օգնության չի գա, և նա կպարտվի։ Նա չլսեց, և արդյունքում որոշակիորեն օտարվեց ՆԱՏՕ-ից»։
