Ամերիկացի Քենթ Քոուչը իրաքցի օդաչու Ֆարիդ Զահրա Ալ-Սաադի ուղեկցությամբ Բաղդադի վրայով կատարելու է ճամփորդություն հելիումով լցված փուչիկներով ամրացված ծալովի բազկաթոռով:
Ինչպես տեղեկացնում է France-Presse գործակալությունը, թռիչը նախատեսված է 2012 թվականի մարտին: Ավելի վաղ Քոուչը և նրա իրաքցի ընկերը պատրաստվում էին թռիչը իրականացննել նոյեմբերի 15-ին, սակայն ինչ-ինչ պատճառներով ստիպված էին թռիչքը հետաձգել: Քոուչի ներկայացուցչի խոսքերով, այդ որոշումը պայմանավորված է նրանով, որ ավելի լավ պատրաստվեն թռիչքին:
Ակցիայի նպատակն է մարդկանց ուշադրությունը հրավիրել է իրաքցի որբերի կյանքի պայմանների վրա: Բացի այդ, Քոուչը և ալ-Սաադը պատրասվում են ռեկորդ սահմանել` թռչելով բազկաթոռով և փուչիկներով: Թռչող սարքի սկիզը պետք է ազդարարվեր Բաղդադի ստադիոնում: Թե ինչքան տարածություն են նրանք մտադիր անցնել, հայտնի չէ: Քենթ Քոուչը նախկինում նմանատիպ թռիչքների փորձ ունի: 2008 թվականին նա թռիչք է իրականացրել Օրեգոնից դեպի Այդահո` անցնելով 350 կմ: Նմանատիպ ճանապարհորդություն նա կատարել է նաև 2010 թվականին: