ԱՄՆ նախազգուշացրել է, որ ՅՈՒՆԵՍԿՕ-ում Պաղեստինի անդամակցությունը կդժվարացնի այդ կազմակերպությանը ԱՄՆ կողմից տրամադրվող աջակցությանը, բայց նրանք ամեն ինչ կանեն, որպեսզի հնարավոր տարբերակներ գտնեն կազմակերպության օգնելու համար, հայտնում է РИА Новости գործակալությունը:
Իսրայելի իշխանությունները նույնպես նմանատիպ որոշում են կայացրել: Ինչպես հայտնում է France-Presse գործակալությունը, նման հայտարարությամբ է հանդես եկել ՅՈՒՆԵՍԿՕ-ում Իսրայելի մշտական ներկայացուցիչ Նիմրոդ Բարքան:
«Եթե Վաշինգտոնը կատարի իր խոստումը, ապա ՅՈՒՆԵՍԿՕ-ն կզրկվի իր բյուջեի 22 տոկոսից: Իսկ եթե Իսրայելն էլ դիմի նման քայլի, ապա կազմակերպությունը կկորցնի 25 տոկոս տարեկան ներդրումները»,- ասել է Բարքանը:
Հիշեցնենք, որ քիչ առաջ հայտնի դարձավ, որ Պաղեստինը դարձել է ՅՈՒՆԵՍԿՕ-ի լիիրավ անդամ՝ 107 կողմ ձայներով:
