Սաուդյան Արաբիայի արքայազնը Սուլթան Բեն Աբդել Ազիզի Ալ-Սաուդը երեքշաբթի օրը թաղվել է Էր-Ռիադի գերեզմանոցում: Երկրում հայտարարված է երկօրյա սուգ: Այս մասին հաղորդում է РИА Новости-ն:
Երեքշաբթի օրը սաուդյան մայրաքաղաքի կենտրոնական մզկիթներից մեկում աղոթք է եղել արքայազնի հոգեհանգստի համար, որին մասնակցել են հազարավոր մարդիկ, ինչպես նաև սաուդյան թագավորական ընտանիքի անդամները և բարձրաստիճան պաշտոնյաներ՝ մուսուլմանական տարբեր երկրներից: Նրանց մեջ է եղել Աֆղանստանի նախագահը, Մալայզիայի վարչապետը, Քաթարի էմիրը և Բահրեյնի թագավորը:
Հիշեցնենք, որ 83-ամյա արքայազնը մահացել էր շաբաթ օրը ԱՄՆ-ում` Նյու Յորքի հիվանդանոցներից մեկում: Երկուշաբթի օրը նրա դիակը բերվել էր հայրենիք: