Իրանի խորհրդարանի նախագահության անդամ Մուհամադ Դեհղանը իրանական Jahan News լրատվական կայքի հետ զրույցի ընթացքում հայտարարել է. «Եթե կառավարության մեջ ներթափանցած դավադիրները փորձեն Իրանի համակարգը դեպի փակուղի առաջնորդել, կառավարության ժամանակաշրջանի ավարտից հետո նրանք շատ խիստ են պատժվելու:
Պատգամավորներից ոմանք համոզված են, որ մենք պիտի զգուշ լինենք, որ դավադիրները սխալ քայլ չկատարեն, իսկ ոմանք էլ համոզված են, որ եթե նրանց հետ խիստ չլինենք, կոգևորվեն ու իրենց դավադրությունները կիրականացնեն»։
Վերջին շրջանում Ահմադինեժադի թիմակիցները, որոնք առաջնորդի կողմնակիցների կողմից դավադիրներ են անվանվել, դարձել են Իրանի իսլամական համակարգի լրջագույն խնդիրներից, և քաղաքական բոլոր ատյանները շատ լուրջ հետևում են նրանց բոլոր գործողություններին:
