27-ամյա ամերիկացի էքստրեմիստ Քրիստոֆեր Բրեյվերն ընկել է 275 մետր բարձրության վրա գտնվող կամրջից և ողջ է մնացել: Ինչպես հաղորդում է բրիտանական The Daily Mail պարբերականը, երիտասարդի օդապարիկը չի բացվել, սակայն թռիչքից հետո նա նույնիսկ գիտակցությունը չի կորցրել:
Դեպքը տեղի է ունեցել հոկտեմբերի 15-ին Արևմտյան Վիրջինիա նահանգում: Այդ օրն ամերիկացիները նշում են Կամրջի օրը, որի ժամանակ Ժորժ Բրիջ կամուրջն ամբողջությամբ անցնում է սուր զգացողությունների սիրահարների տրամադրության տակ: Այդ կապակցությամբ անցկացվում էր բեյս ջամփինգի աշխարհի առաջնություն, որին մասնակցում էին 400 մարզիկ:
Թերթը գրում է, որ 100 հազար հանդիսատեսի առաջ Քրիստոֆերը ցած է նետվել, սակայն օդապարիկը չի բացվել, և նա 129 կմ/ժամ արագությամբ ընկել է ջրի մեջ: Փրկարարները երիտասարդին դուրս են հանել ջրից և բազմաթիվ վնասվածքներով տեղափոխել հիվանդանոց: Այնուամենայնիվ, բժիշկների հավաստմամբ` նրա վիճակը կայուն է:
Ամենայն հավանականությամբ, մարզիկին փրկել է վինգսյուտը (կտորից կարված թև-հագուստ), որը նվազեցրել է անկման արագությունը:
