Wikipedia Germany-ի նախագահ Սեբաստիան Մոլեսկին «Մեդիամաքս» լրատվական գործակալության հրավերով այսօր կլինի Երևանում և վարպետության դաս կանցկացնի: Ինչպես «Առաջին լրատվականին» հայտնեց «Մեդիամաքսի» տնօրեն Արա Թադևոսյանը, Ս.Մոլեսկին դասընթացի մասնակիցներին կծանոթացնի էլեկտրոնային հանրագիտարանների գաղափարախոսության, աշխատանքի սկզբունքների հետ, հետո կպատասխանի մասնակիցների հարցերին:
«Մնացածը պարզ կլինի բուն վարպետության դասի ժամանակ»,- ասաց Ա.Թադևոսյանը՝ հավելելով, որ Ս.Մոլեսկին հայկական հանրագիտարաններին ծանոթ չէ:
Հավելենք, որ բոլոր ցանկացողները կարող են այսօր ժամը 14:00-ին մուտք գործել www.Itel.am կայք ու դիտել վարպետության դասի օնլայն հեռարձակումը (live streaming): Գերմանական Wikipedia-ի համակարգողն ու դատավորը կխոսի Wiki գաղափարախոսության, Wikimedia և Wikipedia նախագծերի մասին, կներկայացնի Wikipedia-ի կամավորների ընկերակցության աշխատանքի հիմնական սկզբունքները:
