Տեղեկատվական անվտանգության մասնակիցներն ի վիճակի չեն պայքարել ցանցահենների կողմից օգտագործվող տեխնոլոգիաների դեմ: IT ոլորտի մասնագետների շրջանում անցկացրած հարցման արդյունքում այսպիսի եզրակացության են եկել RedSeal Systems և Dimensional Research ընկերությունները:
1967 հարցվածների 75%-ը հայտարարել է, որ ավտոմատացված գործիքների օգտագործումը ցանցահեններին զգալի առավելություն է տալիս տեղեկատվական անվտանգության մասնագետների նկատմամբ: Հարցվածների մեծ մասը համաձայնել է, որ իրենց ենթակաները չեն կարողանում անվտանգության հիմնական մակարդակն ապահովել, քանի որ չեն հասկանում, որն է այդ համակարգի թույլ տեղը:
Հետազոտության հեղինակները նաև նշում են, որ IT մասնագետների 71%-ը իրենց համակարգերը խոցելի է համարում, քանի որ խնդիրներ կան անվտանգության սարքերի ենթակառուցվածքների ճիշտ կոնֆիգուրացիայի հետ: Հարցվածների կեսը խոստովանել է, որ իրենց ղեկավարած համակարգերի ենթակառուցվածքների բարդությունը հնարավորություն չի տալիս պաշտպանության ադեկվատ միջոցներ ձեռնարկել:
