Իրանի նախագահ Մասուդ Փեզեշքիանը հայտարարել է, որ իրանական նավահանգիստների վրա ԱՄՆ-ի ռազմածովային շրջափակումը չի հասնի իր նպատակներին։
«Ծովային շրջափակում կամ սահմանափակումներ կիրառելու ցանկացած փորձ հակասում է միջազգային իրավունքին և դատապարտված է ձախողման»,- ասել է Փեզեշքիանը հայտարարության մեջ, որը տարածել են իրանական ԶԼՄ-ները։
Նա հավելել է, որ նման միջոցառումները «ոչ միայն չեն ամրապնդի տարածաշրջանային անվտանգությունը, այլև իրականում լարվածության աղբյուր են և խաթարում են կայունությունը Պարսից ծոցում»։
Իրանի հետ հրադադարի հայտարարումից մի քանի օր անց ԱՄՆ-ն ապրիլի 13-ին ռազմածովային շրջափակում է սահմանել Իրանի նավահանգիստների նկատմամբ։
Իրանը խստորեն դատապարտել է շրջափակումը՝ այն որակելով որպես հրադադարի խախտում։
