Ուրբաթ Մայքլ Ջեքսոնի բժշկի` Կոնրադ Մյուռեյի դատավարության ժամանակ լսել են երգչի մահվանից երկու օր հետո արված բժշկի հարցաքննության ձայնագրությունը:
Ինչպես հաղորդում է Reuters գործակալությունը, հարցաքննությունը տևել է շուրջ 2 ժամ: Այստեղ Մյուռեյը մասնավորապես պատմում է Ջեքսոնի մահվան նախորդ օրվա մասին: Բժիշկը խոստովանել է, որ 2009թ. հունիսի 25-ին՝ ժամը 1:30-ի սահմաններում, ինքը Ջեքսոնին նախ լորազեպամ և մեդոզալան հանգստացնող դեղամիջոցներ է տվել: Երբ դա ընդունելուց հետո Ջեքսոնը դարձյալ չի կարողացել քնել, Մյուռեյը նրան տվել է 25 գրամ պրոպոֆոլ:
Գործակալությունը նշում է, որ Մյուռեյը չի ընդունում իր հանցանքը, իսկ նրա պաշտպանները նախկինում պնդում էին, որ երգիչն ինքն է ընդունել այդ դեղամիջոցը:
Ջեքսոնի մահվան գործով բժշկի դատական լսումները կշարունակվեն հոկտեմբերի 11-ին: Եթե ատենակալները Մյուռեյին մեղավոր ճանաչեն, նրան սպառնում է մինչև 4 տարվա ազատազրկում:
