Պատճառն այն է, որ վրաց ուղղափառ եկեղեցին, ինչպես Ռուսաստանի ու Սերբիայի ուղղափառ եկեղեցիները, մինչև հիմա օգտագործում են հին Հուլյան օրացույցը։
Սուրբ Ծննդյան օրը Վրաստանի քաղաքներով անցնում է «Ալիլո» կոչվող շքերթը, որի ընթացքում մարդիկ նմանակում են Սուրբ Ծննդյան պատմության կերպարներին, շատերը ձեռքում պահում են վրացական դրոշներ։ Շքերթի ընթացքում երգում են կոլեդներ, որոնց մեծ մասում հնչում է հայտնի տեքստը․ «ოცდახუთსა დეკემბერსა ქრისტე იშვა ბეთლემსაო» – «Դեկտեմբերի 25-ին Քրիստոսը ծնվեց Բեթղեհեմում»։
Վրացական ավանդական տոնածառը շատ յուրահատուկ է։ Այն պատրաստվում է չորացած ընկուզենու կամ տխիլի ճյուղերից, և շատերն ասում են, որ այն հիշեցնում է Սուրբ Բարսեղ Մեծի երկար սպիտակ մորուքը։ Այստեղ նվերների հանձնման արարողությունը տեղի է ունենում դեկտեմբերի 31-ի գիշերը, իսկ նվեր բերողը սովորական Սանտան չէ, այլ Տովլիս Պապան՝ «Ձնահեր Պապը»։ Ըստ ավանդության՝ Տովլիս Պապան իջնում է Կովկասյան լեռներից և շրջում ամբողջ Վրաստանով՝ բաժանելով քաղցրավենիքներ։
