Լատվիայի, Լիտվայի և Էստոնիայի առօրյա կյանքը փոխել է Ռուսաստանի հարևանությունը։ Մինչ ՆԱՏՕ-ն աստիճանաբար ուժեղացնում է իր ռազմական ներկայությունը տարածաշրջանում, տեղացիները փորձում են պահպանել բնականոն կյանքը՝ նշելով ընտանեկան տոները, վարելով բիզնես և կառչած մնալով խաղաղության հույսից։
Սահմանամերձ Լատվիայում ֆերմեր Անջեյս Պետկևիչը հավաքում է սեզոնի վերջին կարտոֆիլը՝ սահմանային վերահսկողության խստացման և ռազմական ակտիվության աճի պայմաններում։ Լիտվայում Բիրուտե Կրակասուսկիենեն քաբաբի խանութ է աշխատեցնում, հիմնական հաճախորդները երկրի ամենամեծ ՆԱՏՕ-ական ռազմաբազայիզինվորներն են։ Իսկ Էստոնիայի Հիյումաա կղզում Ավե Ունգրոն միացել է կանանց քաղաքացիական պաշտպանության ստորաբաժանմանը՝ հնարավոր արտակարգ իրավիճակներին պատրաստ լինելու համար։
Սակայն գլխավոր հարցը մնում է անփոփոխ․ ինչպե՞ս ապրել մշտական վտանգի զգացողությամբ։ Այս ֆիլմը պատմում է վախի, հույսի և Եվրոպայի ամենազգայուն սահմաններին մոտ ապրող մարդկանց առօրյայի մասին։
