Բաքվում մեկնարկել է Ադրբեջան-Թուրքիա բարձր մակարդակի ռազմական երկխոսության 17-րդ հանդիպումը։ Այս մասին հայտնել է Ադրբեջանի պաշտպանության նախարարությունը։
Հանդիպման ընթացքում Ադրբեջանի պաշտպանության փոխնախարար և գլխավոր տնօրեն Ագիլ Գուրբանովը հանդիպել է Թուրքիայի զինված ուժերի գլխավոր շտաբի 2-րդ վարչության պետ, բանակի գեներալ Լևենտ Էրգյունի գլխավորած պատվիրակության հետ։
Գուրբանովը նշել է, որ Ադրբեջանի և Թուրքիայի միջև հարաբերությունները բարձր մակարդակի վրա են բոլոր ոլորտներում, այդ թվում՝ ռազմական հարցերում, և ընդգծել է այդ համագործակցության հետագա ընդլայնման կարևորությունը։
Հանդիպման ժամանակ մանրամասն քննարկվել են երկու երկրների միջև ռազմական համագործակցության ներկայիս մեխանիզմները։ Ռազմական երկխոսության ընթացքում կողմերը նաև վերլուծել են ռազմական գործընկերության ներկայիս վիճակը և մտքեր են փոխանակել այդ նպատակներին հասնելու գործունեության հիմնական ոլորտների վերաբերյալ։
Ռազմական երկխոսության 17-րդ հանդիպումը կշարունակվի մինչև դեկտեմբերի 19-ը։ Հաջորդ հանդիպումները կանցկացվեն Ռազմական համագործակցության միջազգային բյուրոյում և Ազգային պաշտպանության համալսարանում։
