Բնության մեջ առաջին անգամ հաջողվել է լուսանկարել երրորդ և չորրորդ կարգի ծիածաններ:
2010թ. ամերիկացի Ռեյմոնդ Լին առաջարկել էր պայմանների մաթեմատիկական նկարագրություն, որոնց դեպքում, նրա կարծիքով, կարելի էր հետևել չորրորդ կարգի ծիածանի: Դրանից հետո գերմանացի աստղագետ Էլմար Շմիդտը փորձեց ստեղծել համախոհների խումբ, որը պետք է հետևեր բարձր կարգերի ծիածաններին:
Վերջապես, 2011թ. մայիսին գերմանացի Մայքլ Գրոսմանին հաջողվեց լուսանկարել երրորդ կարգի ծիածան, իսկ որոշ ժամանակ անց Մայքլ Թաունսերը նկարեց չորրորդ կարգի ծիածան:
Գիտնականները նշում են, որ վերջին 250 տարիների ընթացքում հայտնի է բավականին հեղինակավոր աղբյուրների կողմից հաստատված երրորդ կարգի ծիածաններին հետևելու միայն 5 դեպք: Մինչ այդ, սակայն, դրանք լուսանկարել չէր հաջողվել: Նշվում է, որ լաբորատոր պայմաններում գիտնականները ստացել են ավելի բարձր կարգի ծիածաններ:
Օպտիկայի տեսանկյունից ծիածանն առաջանում է օդում ջրի կաթիլների վրա արևային լույսի բեկման արդյունքում: Այդպիսի կաթիլի ներսում լույսը կարող է կրել ներքին արտացոլանք, ինչը հանգեցնում է երկրորդ, երրորդ և ավելի բարձր կարգերի ծիածանների առաջացմանը (կախված արտացոլանքների քանակից):
