«Ժառանգություն» կուսակցության ԱԺ պատգամավոր Արմեն Մարտիրոսյանը կարծում է, որ երկխոսությունը շարունակվի, թե չշարունակվի՝ այդքան էլ էական չի, քանի որ դրա արդյունքում գնաճը չի իջնելու, տնտեսությունը չի ազատականանալու: Երկխոսությունը, ըստ նրա, ներքաղաքական խնդիրներ լուծելու գործընթաց է:
«Իսկ կշարունակվի, թե ոչ՝ դա կախված է նրանից, թե կողմերը ինչ հաշվարկներ ունեն, և եթե ժամանակ շահելու խնդիրներ չունեն, կարծում եմ, որ կշարունակվի»:
Լրագրողների այն հարցին, թե ի՞նչ է նշանակում Րաֆֆի Հովհաննիսյանի այցը Ազտության հրապարակ, Արմեն Մարտիրոսյանը պատասխանեց. «Դա երկու անձանց, երկու գործիչների զրույց է եղել, և չեմ կարծում՝ նպատակահարմար կլինի իմ կողմից խոսել: Դա նշանակում է Րաֆֆի Հովհաննիսյանի կողմից քաղաքավարի այց: Դրանից ավել որևէ խնդիր պետք չէ տեսնել: «Ժառանգությունը», Րաֆֆի Հովհաննիսյանը այն ուժն է, որը երբեք դռներ չի փակում, ավելին՝ իր քայլերով համախմբման է տանում»:
Մարտիրոսյանը չհամաձայնեց, որ Ր. Հովհաննիսյանն իր քայլով իր առավելությունն է ցանկացել ընդգծել, և ասաց, որ նա ընդամենը զորակցեց ՀՀ քաղաքացիներին: Ինչ վերաբերում է երկու ուժերի համգործակցելու հարցին, նշեց, որ եթե նման առաջարկ լինի՝ կքննարկեն:
Ընդհանուր եզրեր ունենալու մասին ասաց, որ նախկինում կային, բայց 2009-ից հետո ՀԱԿ-ն այլ քաղաքականություն որդեգրեց, սակայն եթե օրակարգում ժողովրդավարության հաստատման և արդար ընտրությունների անցկացման հարցը լինի, ուժերը միավորելը չի բացառվում:
Եթե ՀԱԿ-ը ապստամբության կոչ անի՝ կողջունի, եթե… արդյունավետ լինի: Ավելին, բախումնային սցենարներ չի տեսնում, քանի որ այն ժամանակ ռեսուրսներ կային, իսկ հիմա՝ ոչ :
Ինչ վերաբերում է ՀԱԿ-ի այն կոչին, որ օնլայն նայողները թող միանան իրենց, Արմեն Մարտիրոսյանը նշեց, որ չի կարծում, թե հրավերներն այդպես են իրականացնում:
Լրագրողների այն հարցին, թե Րաֆֆի Հովհաննիսյանի այցն Ազատության հրապարակ մյուս ժառանգականների սրտո՞վ էր, Մարտիրոսյանը պատասխանեց, որ իր սրտով էր: Ինչ վերաբերում է Ստյոպա Սաֆարյանին, առաջարկեց նրանից հետաքրքրվել:
