ԱՄՆ արևմուտքում փոշու ամպը հերթական անգամ պատել է Արիզոնա նահանգը, որի հետևանքով գրանցվել է մի քանի խոշոր ճանապարհատրանսպորտային պատահար, միմյանց են բախվել տասնյակ մեքենաներ: Հաղորդվում է մեկ զոհի և 15 վիրավորների մասին: Իշխանությունները հաղորդել են, որ ի վիճակի չեն վիրավորներին օպերատիվ կերպով հասցնել հիվանդանոցներ, քանի որ եղանակային պայմանները թույլ չեն տալիս:
Այս պահին քամու ուժգնությունը կազմում է 72 կմ/ժ: Օրվա ընթացքում մրրկահողմերի ձևավորման հավանականությունը պահպանվում է: Արիզոնա նահանգում նման բնական երևույթները հազվադեպ չեն: Մինչև 1.5 կմ բարձրություն ունեցող փոշու ամպը ձևավորվում է անսպասելիորեն, կարճ ժամանակում և անակնկալի բերում տվյալ տարածքի բնակիչներին, ճանապարհներին գտնվող վարորդներին:
