Ադրբեջանի փոխարտգործնախարար Արազ Ազիմովը հանդիպել է Բաքվում Իրանի դեսպան Մուջթաբա Դեմիրչիլուի հետ, հաղորդում Է ISNA գործակալությունը:
Հանդիպման ընթացքում քննարկվել են իրանա-ադրբեջանական հարաբերությունների ներկա վիճակը, ինչպես նաև տարածաշրջանային և միջազգային գործընթացները:
Դեմիրչիլուն նշել է, որ երկու երկրների միջև հարաբերությունները զարգանում են բարեկամության և եղբայրության հիման վրա:
Կողմերը կարևորել են փոխադարձ շահերի հիման վրա համագործակցության շարունակականությունը և երկկողմ կապերի հետագա ամրապնդման անհրաժեշտությունը:
