Իրանի խորհրդարանի պահպանողական պատգամավոր, էներգետիկայի հանձնաժողովի նախագահ Համիդ Ռեզա Քաթուզյանը իրանական ILNA գործակալությանը հայտնել է, որ Իրանի խորհրդարանի մի շարք պատգամավորներ ու պետական բարձրաստիճան պաշտոնյաներ մի նախագիծ են քննարկում, որի համաձայն՝ Իրանում նախագահի պաշտոնը վերացվում է՝ փոխարինվելով վարչապետի պաշտոնով:
Ըստ պատգամավորի, որը չի ցանկացել բացահայտել նախագծի կողմնակիցների ու հեղինակների ինքնությունը՝ քանի որ Իրանում գոյություն ունի առաջնորդի պաշտոնը, էլ նախագահի կարիքը չի զգացվում: Նախագահի փոխարեն կարելի է ընտրել վարչապետի, որը կզբաղվի գործադիր իշխանության աշխատանքներով, և այդ դեպքում գործադիր իշխանության ղեկավարն ավելի պատասխանատու կլինի երկրի խորհրդարանին:
Ավելացնենք, որ Իրանում վարչապետի պաշտոնը 1989-ին կայացած սահմանադրական փոփոխությունների հանրաքվեի արդյունքում վերացվեց, և երկրի նախագահը դարձավ գործադիր իշխանության ղեկավարը:
