Եվրամիությունում Couture Tech Ltd ընկերությանը մերժել են գրանցել խորհրդային զինանշանը որպես ապրանքանիշ, քանի որ այն հակասում է հասարակական կարգին և բարոյականությանը: «Ապրանքանիշի գրանցումը պետք է մերժվի, եթե այն խախտում է հասարակական կարգը կամ հակասում է ԵՄ անդամներից մեկի բարոյականությանը»,- ասվում է Արդարադատության եվրոպական դատարանի հայտարարության մեջ: Այս մասին հաղորդում է France presse գործակալությունը:
Չեխիան, Էստոնիան և Հունգարիան այն երկրներն են, որտեղ խորհրդային զինանշանը համարվում է անբարոյականության խորհրդանիշ: Couture Tech Ltd ընկերությունը բողոքարկել էր այս որոշումը, սակայն վերին ատյանի դատարանն այն անփոփոխ է թողել:
