Ինչպես գրում է The Daily Mail-ը, Մեծ Բրիտանիայի արդարադատության նախարարությունը կարող է մոտ ժամանակներում թույլատրել հեռախոս տեղադրել բանտային խցերում, որից կատարված զանգերը հարազատների հետ գաղտնալսվելու են, իսկ փաստաբանի հետ` ոչ: Դրանով գերատեսչությունը ցանկանում է վերջ դնել քրեակատարողական հիմնարկներում անօրինական ճանապարհով ներկրվող բջջային հեռախոսների ապօրինի վաճառքին:
Թերթի տվյալներով` դատապարտյալները պետք է վճարեն զանգերի համար` գնելով հատուկ քարտեր հենց քրեակատարողական հիմնարկներից: Միևնույն ժամանակ, հանցագործները պետք է հայտնեն այն մասին, թե ում են պատրաստվում զանգել, իսկ հիմնարկի աշխատակազմը կարող է լսել նրանց խոսակցությունը բոլորի հետ՝ բացի փաստաբանից:
Քննադատների կարծիքով` այս նորամուծությունը կարող է հանգեցնել հանցագործությունների աճի, քանի որ հանցագործները հենց բանտից կարող են կազմակերպել բանկի թալանում կամ նմանատիպ մի բան:
Քրեակատարողական հիմնարկի անձնակազմը, ընդհակառակը, կարծում է, որ դա կնվազեցնի վեճերը, որ առաջանում են մեկ հեռախոսի մոտ կուտակված հերթերի հետևանքով: Մեծ Բրիտանիայի իշխանությունները առայժմ փորձնական ցանկանում են հեռախոսներ տեղադրել Լոնդոնի հարավ-արևելքում անչափահասների համար նախատեսված քրեակատարողական հիմնարկում: