Արցախի հարցը փակված չէ։ «Առաջին լրատվական»-ի հետ զրույցում նշեց ԼՂ ԱԺ Արտաքին հարաբերությունների մշտական հանձնաժողովի նախկին նախագահ Վահրամ Աթանեսյանը։
Աթանեսյանի խոսքով՝ Արցախի հարցի կարգավորման քաղաքակիրթ հնարավորություն եղել է, որը բաց ենք թողել. «Մենք շարունակում ենք մնալ էմոցիաների գերին՝ կոնկրետ քայլեր չձեռնարկելով։ Էմոցիոնալ կոչեր են՝ եթե Կարսն է, ապա ինչու չկա գնդապետ Մազմանյանը, որը ինքնասպանություն կգործի։ Տպավորություն է, որ եթե Արցախը Հայաստանինը չէ, ապա չպետք է լինի։ Արցախը, ինչպես Ջավախքը կարող է չլինել անկախ պետություն, բայց լինի հայկական։ Հողի հանդեպ արցախցու սեփականության իրավունքը պետք է վերականգնել»։
