Մեկ տարի է՝ Ալիևն ասում է, որ իրենք պատրաստ են խաղաղության պայմանագիր կնքել, բայց 4 օր առաջ սպանդ սարքեցին Արցախում. Ընդհանրապես նրանց ցանկացած ասած պետք է պրակտիկայով ստուգել: Այս մասին «Առաջին լրատվական»-ի հետ զրույցում նշեց քաղաքագետ Հայկ Սուքիասյանը:
«Նրանք փորձում են աշխարհին երևալ իբրև խաղաղասեր, իբրև պետություն, որը պատրաստ է բարեկիրթ հարաբերությունների հարևանների հետ, բայց պրակտիկան ցույց է տալիս, որ ինքը դրա տակ այլ պետությն ժողովրդին խժռելու քաղաքականություն է վարում: Ինքն այստեղ ազատություն ունի, ինքն ունի Ռուսաստան, որը Հայաստանից վրեժ է լուծում: Այն, ինչ արեց Ռուսաստանն Արցախում, դա հայ ժողովրդից ու Հայաստանից վրեժ էր:
Այս գիշատիչն էլ օգտվում է դրանից: Սա մի տարբերական է: Կա երկրորդ տարբերակը, որ հավանական է, որ կուզենա Ադրբեջանը խաղաղության պայմանագիր կնքել, որովհետև ինքն ընկալվում է մի պետություն, որն էթնիկ զտում է արել, ամբողջ աշխարհի ուշադրությունը սևեռվել է Ադրբեջանի վրա, արցախահայության էթնիկ զտումը և զանգվածային տեղահանումը մեծ աղմուկ է բարձրացրել համաշխարհային մամուլում և շատ պետություններում և Ադրբեջանը իր դեմքը փրկելու խնդիր ունի: Ինքը չի կարող անվերջ սպանդներ սարքել ու մնալ անպատիժ»,-ասաց նա:
