Երևանի ընտրություններին ընդառաջ ԿԸՀ-ում այս պահի դրությամբ ընտրությունների մասնակցության հայկտ է ներկայացրել քաղաքական 8 ուժ։ Այս մասին հայտնում են Կենտրոնական ընտրական հանձնաժողովից։
«Օգոստոսի 12-ի առավոտյան ԿԸՀ են այցելել «Ուժը հայրենյաց» կուսակցության ներկայացուցիչները։ Կեսօրին էլ առաջադրումների համար եկել են «Հանրային ձայն» և «Ազգային առաջընթաց», իսկ աշխատանքային օրվա ավարտին՝ «Հաղթանակ» կուսակցությունների ներկայացուցիչները։ Այսպիսով, այս պահի տվյալներով առաջադրված կուսակցությունների թիվը 8️-ն է։ Առաջադրման ավարտին մնաց 1️ օր»,- ասված է հայտարարության մեջ։
ԿԸՀ հաղորդմամբ՝ այս պահի դրությամբ առաջադրված կուսակցություններն են՝ «Հայաստանի եվրոպական», «Ժողովրդավարական համախմբում», «Քաղաքացիական պայմանագիր», «Հանուն սոցիալական արդարության», «Ուժը հայրենյաց», «Հանրային ձայն», «Ազգային առաջընթաց», «Հաղթանակ»։
