«Reuters»-ի փոխանցմամբ՝ Ռուսաստանը պետական բյուջեի մեկ երրորդը ծախսում է Ուկրաինայի դեմ պատերազմը ֆինանսավորելու համար։
Ինչպես հայտնում է գործակալությունը՝ հենվելով ՌԴ կառավարության աղբյուրների վրա, Ռուսաստանը պատերազմի վրա ծախսում է շատ ավելին, քան նախատեսված էր։
Մասնավորապես, 2023 թվականի առաջին վեց ամիսներին Ռուսաստանը Ուկրաինայում ընթացող ռազմական գործողությունների վրա ծախսել է 5,59 տրիլիոն ռուբլի, ինչը բյուջեի ծախսերի ավելի քան 37 տոկոսն է։
Նախնական պլանի համաձայն՝ 2023 թվականին ռազմական ծախսերի վրա նախատեսվում էր ծախսել 4,98 տրիլիոն ռուբլի։ Ռուսաստանը 2023 թվականի առաջին վեց ամսում արդեն ծախսել է 600 միլիարդ ռուբլի ավելի։
«Reuters»-ի հրապարակած նոր հաշվարկների համաձայն՝ Ռուսաստանը մինչև 2023 թվականի վերջը պատերազմի վրա կծախսի մոտ 9,7 տրլն ռուբլի։
