2011թ. հունվար-հունիսին հանրապետություն են ժամանել 266 հազար 155 զբոսաշրջիկներ՝ 2010թ. նույն ժամանակաշրջանի 230 հազար 154 զբոսաշրջիկների դիմաց: Աճի տեմպը կազմել է 115.6%: Այս մասին ասվում է Ազգային վիճակագրական ծառայության հրապարակման մեջ:
Նույն ժամանակաշրջանում զբոսաշրջության նպատակով հանրապետությունից մեկնել է 274 հազար 621 մարդ: 2010թ. հունվար-հունիսի նկատմամբ ցուցանիշի աճի տեմպը կազմել է 118.3%:
Ըստ հյուրանոցային տնտեսություններից ստացված հաշվետվությունների տվյալների` 2011թ. հունվար-հունիսին ՀՀ այցելած զբոսաշրջիկների 19.5%-ը բաժին է ընկել ԱՊՀ երկրներին, իսկ 80.5%-ը` այլ երկրներին:
