Հուլիսի 1-ին խոշոր ավտովթար է տեղի ունեցել Արմավիրի մարզում: Ժամը 16:00-ի սահմաններում Հացիկ-Բաղրամյան գյուղ տանող ճանապարհահատվածի սկզբնամասում բախվել են ЗИЛ բեռնատարն ու մարդատար Газель-ը:
Ինչպես հայտնում է Shamshyan.com-ը, վթարի հետևանքով 4 հոգի տարբեր աստիճանի մարմնական վնասվածքներով տեղափոխվել են «Արմավիր» բժշկական կենտրոն: Վթարի փաստով նախաձեռնվել է վարույթ: Ոստիկանությունն ու Քննչական վարչությունը պարզում են վարորդների և վիրավորների ինքնությունը:
Աղբյուրի տեղեկություններով՝ վիրավորները վերադառնում էին դաշտային աշխատանքներից, որտեղ ծիրան էին հավաքում:
