Չինաստանի իշխանությունները պարտավորեցրել են տուգանք վճարել այն կանանց, ովքեր երկրի սահմաններից դուրս կունենա երկրորդ երեխան, որպեսզի շրջանցեն ՉԺՀ օրենքները,- գրում է China Daily-ին:
«Նրանք համարվում են Չինաստանի քաղաքացիներ և մեծանում են այս երկրում, և եթե նրանք երեխա են ունեցել՝ ծնելիության սահմանափակման քաղաքականությունը խախտելով, ապա պետք է տուգանվեն»,- հայտնել է Չինաստանի ծնելիության վերահսկողության և ժողովրդագրության հանձնաժողովի ներկայացուցիչը:
Վերջին ժամանակներս ավելի շատ հարուստ զույգեր են որոշում ունենալ երկրորդ երեխան երկրի սահմաններից դուրս, մասնավորապես ԱՄՆ-ում և Կանադայում: Տուգանքի գումարը կարող է կազմել տարեկան եկամուտի կրկնապատիկից մինչև տասնապատիկը,- ասել է Ժաի Ժենվուին` Չինաստանի ազգային համալսարանի սոցիոլոգիայի և բնակչության ֆակուլտետի դեկանը:
«Պետական ծառայության մեջ գտնվող իրավախախտները, տուգանքի հետ մեկտեղ, ենթարկվելու են վարչական պատիժների, հեռացվելու են»,- ասել է Ժաին: Բացառություն են կազմում այն ուսանողները, ովքեր սովորում են արտասահմանում, ինչպես նաև այն զույգերը, ովքեր երեխաներին չեն բերելու Չինաստան: Չինական օրենսդրության համաձայն՝ ընտանիքի երկրորդ երեխան անվճար ուսման և բժշկական ապահովության իրավունք չունի:
