ԱՄՆ-ն Հայաստանը ներառել է այն երկրների ցանկում, որոնց միջոցով Ռուսաստանը կարող է շրջանցել իր նկատմամբ սահմանված պատժամիջոցները։ Այդ ցանկում են նաև Չինաստանը, Թուրքիան, Ուզբեկստանը: ՀՀ էկոնոմիկայի նախարար Վահան Քերոբյանը «Առաջին լրատվական»-ին տված հարցազրույցում, անդրադառնալով խնդրին, նշել է, որ բնական է՝ Հայաստանը պետք է ներառված լիներ այդ ցուցակում, որովհետև Հայաստանը Ռուսաստանի հետ գտնվում է նույն տնտեսական միության մեջ, բայց միևնույն ժամանակ պետք է հիշել, որ Հայաստանի և Միացյալ Նահանգների միջև առևտուրն անցյալ տարի եղել է ռեկորդային, գերազանցել է 500 միլիոն ԱՄՆ դոլարը, այսինքն՝ այդ ցուցակում լինելը չի ազդել մեր տնտեսական կյանքի վրա:
Նախարարի խոսքով՝ Հայաստանը ստեղծվող տնտեսական վերաձևավորավորումների մեջ փորձելու է լինել օրինական կամուրջ տարբեր տնտեսական համակարգերի միջև ապրանքների ծառայությունների, ֆինանսական միջոցների շարժի առումով: