ՀՀ-ն գտնվում է «խաղաղություն և պատերազմ» հարացույցի ուղիղ գծի վրա, թիթեռի թևը կարող է հարցը այս կամ այն կողմ տանել: «Առաջին լրատվական»-ի հետ զրույցում նշեց քաղաքագետ Գուրգեն Սիմոնյանը:
Քաղաքագետի խոսքով՝ 2020-ի ռազմական գործողություններից հետո այն գործիքակազմը, որ ունեինք, այսօր չկա․ «Հայաստանի ուղիղ միջամտություն Լաչինի հարցով չի կարող լինել, կստացվի պատերազմի նախադրյալ: Նոյեմբերի 9-ը լավ փաստաթուղթ չէ Հայաստանի համար, բայց այն կասկածի տակ դնելը վատ հետևանքներ կունենա մեզ համար: Հայաստանը Լաչինի միջանցքի արգելափակումը պետք է դնի հայկական ցեղասպանության համատեքստում և ստանձնի պատասխանատվություն, որը իրեն հասու է»: Սիմոնյանը շեշտեց՝ ԶՈՒ-ն պետք է կարգի բերել, դերակատարների համար պետք է ձեռնտու լինի մեզ հետ խոսելը: