WikiLeaks կայքը հրապարակել է Հայաստանին վերաբերող ամերիկյան գաղտնի նամակագրության ևս մի փաստաթուղթ, որտեղ ամերիկյան դեսպանության փոխդեսպան Ջոզեֆ Փենինգթոնը իր կարծիքն է ներկայացրել իշխող կուսակցության` հանրապետական պատգամվոր Սամվել Նիկոյանի հետ հանդիպման վերաբերյալ: Փաստաթուղթը թվագրված է 2009թ. փետրվարի 29-ով:
Խոսելով Նիկոյանի մասին` Փենինգթոնը գրումէ, որ այս մարդը համագործակցել է որոշ ժողովրդավարական կառույցների հետ, ինչպիսին է IFES-ը, և Նիկոյանն ինքը համոզված է, որ շատ բան է արել Հայաստանի համար: ՆիկոյանըՓենինգթոնին ասել է, որ Մարտի մեկից առաջ գործող նախագահ Ռոբերտ Քոչարյանը և վարչապետ Սերժ Սարգսյանը բացարձակ տարբեր դիրքորոշումներ են ունեցել: Այն դեպքում, երբ Ռոբերտ Քոչարյանը կողմնակից է եղել «կոշտ մոտեցման», Սերժ Սարգսյանը հակված է եղել ընդդիմության հետ բանակցություններին:
Քոչարյանը հենց սկզբից ցանկացելէ ցրել ցույցը:Սարգսյանը կարծել է, որ անհրաժեշտէ սպասել, մինչև հանրահավաքի մասնակիցները կհոգնեն ցույցերից: Նամակում նշվում է, որ մինչև փետրվարի 29-ը Սերժ Սարգսյանի այս դիրքորոշումը հաղթել է, ինչի մասին ասել է արտգործնախարար Վարդան Օսկանյանը` դիվանագիտական ներկայացուցչությունների հետ հանդիպման ժամանակ:
Նիկոյանը պատմել է նաև այն առավելությունների մասին, որ տվել է կոալիցիային Արթուր Բաղդասարյանի և նրա «Օրինաց երկիր» կուսակցության ընդգրկումը դրանում: Նիկոյանն ասել է, որ «Օրինաց երկիրը» շատ ավելի լավ է պատրաստված եղել ընտրություններին և ունեցել է արձանագրությունների ավելի շատ վավերացված օրինակներ, հետևաբար` փաստերի ավելի լուրջ փաթեթ, որը կարող էր ներկայացվել Սահմանադրական դատարան:
Հատկանշական է Նիկոյանի դիրքորոշումը Րաֆֆի Հովհաննիսյանի վերաբերյալ, և Փենինգթոնի մեկնաբանությունը դրա մասին: Նիկոյանն ասել է, որ «Ժառանգություն» կուսակցության ղեկավար Րաֆֆի Հովհաննիսյանը ուղղորդվում է ԱՄՆ կառավարության կողմից: Փակագծերում նշված մեկնաբանության մեջ Փենինգթոնն ասում է, որ Նիկոյանը չարաչար սխալվում է: Այդուհանդերձ,Նիկոյանը շատ մտահոգիչ է համարել Րաֆֆի Հովհաննիսյան-Լևոն Տեր-Պետրոսյան կապը:
