Ռազմաքաղաքական հարցերով փորձագետ Արմինե Մարգարյանը ֆեյբուքյան իր էջում գրել է․
ՀՀ արտաքին գործերի նախարարությունն ընդգծում է «Լեռնային Ղարաբաղի հայության իրավունքների և անվտանգության ապահովման միջազգային մեխանիզմների գործարկման կամ վերագործարկման անհրաժեշտությունը և այս նպատակով առաջիկայում խորհրդակցություններ կսկսի միջազգային գործընկերների հետ»։
Սովորաբար, դիրքորոշում հայտնող պաշտոնական հաղորդագրություններում, այն էլ նման պայթյունավտանգ իրավիճակում, առանց ենթատեքստի չի օգտագործվում ԿԱՄ բառը: Հետևաբար, սույն հայտարարությունը պետք է դիտարկել արդեն իսկ գործող մեխանիզմի արդյունավետության և/կամ անարդյունավետության և հնարավոր ստեղծվելիք մեխանիզմի վերաբերյալ աշխատանքներ իրականացնելու համատեքստում:
Այլ բառերով՝ ադրբեջանական կողմը խախտում է նոյեմբերի 9- ի եռակողմ հայտարարության դրույթները, որի համաձայն Արցախում տեղակայվել են ռուս խաղաղապահներ՝ խոչընդոտելով խաղաղապահ առաքելության աշխատանքներին և միտումնավոր հրահրելով բախում: Արդյունքում, մեկ անգամ ևս ի ցոյց է դնում Արցախը հայաթափելու իր ցեղասպան քաղաքականությունը, բայց հույսեր է տարծում, որ ռուսներին թիրախավորելով կարող է օգտվել Ռուսաստան-Հավաքական Արևմուտք լարվածությունից և միջազգային հանրության ուշադրությունը արցախահայերի իրավունքների և անվտանգության խնդիրներից տեղափոխել Ռուսաստան-Հավաքական Արևմուտք հարաբերույթուններից բխող խնդիրների վրա:
Ի՞նչ է մնում այս պարագայում հայկական կողմերին, եթե ոչ ռուսական կողմի հետ կանխել ադրբեջանական կեղտոտ խաղի զարգացումը՝ միաժամանակ ինստիտուցիոնալացնելով արցախահայերի անվտանգության և իրավունքների վերաբերյալ միջազգային մեխանիզմի գործարկման հրամայականը:
