Բրիտանական արքայազն Հարին հոր խնդրանքով, առանց ամերիկացի կնոջ՝ Մեգան Մարքլի, հինգշաբթի օրը ժամանել է շոտլանդական Բալմորալ ամրոց՝ հրաժեշտ տալու թագուհի Եղիսաբեթ II-ին։ «ՏԱՍՍ»-ի փոխանցմամբ՝այդ մասին շաբաթ օրը հայտնել է The Sun թերթը։
Նրա խոսքով՝ Մեծ Բրիտանիայի թագավոր Չարլզ III-ը՝ այն ժամանակ գահաժառանգ արքայազն Չարլզը, հեռախոսով որդուն ասել է, որ կնոջ հետ Շոտլանդիա գնալը տեղին չի լինի։
«Չարլզն ասաց Հարրիին, որ Մեգանի ներկայությունը Balmoral-ում սխալ և անտեղի կլիներ այդքան տխուր պահին: Նրան ասվել էր, որ արքայազն Ուիլյամի կինը՝ Քեյթը Միդլթոնը չգա հրաժեշտի արարողությանը, և որ մարդկանց թիվն իսկապես պետք է սահմանափակվի ընտանիքի ամենամոտ անդամներով»,- ասել է աղբյուրը։
Ինչպես պարզաբանում է թերթը, Թագուհու երեխաներից միայն երկուսին է հաջողվել կենդանի տեսնել Եղիսաբեթ II-ին սեպտեմբերի 8-ին նրա վիճակի վատթարացումից հետո՝ արքայազն Չարլզը և արքայադուստր Աննան։ Նրանք եղել են Շոտլանդիայում և կարողացել են արագ հասնել ամրոց, որտեղ թագուհին մահացել է ժամը 16:30-ին 96 տարեկան հասակում: Նրա մնացած երեխաներն ու թոռները ավելի ուշ են ժամանել։
