Պետականությունն ու դրա պահպանումը հստակ չեն Սփյուռքի համար: Սփյուռքը Հայաստանը միշտ դիտարկել է զուտ հայրենիք: «Առաջին լրատվական»-ի հետ հարցազրույցում նշեց հարցազրույցում ԱՄԷ-ում բնակվող հասարակական գործիչ Հրաչյա Քալսահակյանը:
Քալսահակյանը կարծում է, որ Սփյուռքի այն մասը, որը ենթակա է Դաշնակցությանը, հեռացել է Հայաստանից․ «Ավանդական կուսակցությունները Սփյուռքում բազմած են դպրոցներում ու եկեղեցիներում: Այնպիսի վիճակ է,որ Սփյուռքը պետք է դուրս մղվի այդ ավանդական կուսակցություններից: Ավանդական ճահճացած կառույցներից դուրս մղվելով՝ պետք է իրենց կարողությունները այլ տեղ փորձեն: Ավանդական կառույցները այլևս կղզիացած են․ Հայաստանը պետք է փրկի եղածը»:
Քալսահակյանը կարծում է նաև, որ Սփյուռքում չպետք է զբաղվել քաղաքականությամբ․«Եթե սփյուռքահայը ուզում է զբաղվել ՀՀ քաղաքականությամբ, թող վերադառնա Հայաստան: Սփյուռքի ներուժը տնտեսական ու կրթական պետք է լինի,ոչ թե քաղաքական»: Անդրադառնալով հայ-թուրքական հարաբերություններին և դրա շուրջ Սփյուռքի արձագանքին, Քալսահակյանը նշեց․ «Հայաստանի թրքացման մասին խոսակցությունները տկար են ու շինծու»: