Ուկրաինական Մարիուպոլ քաղաքում երեկ հայկական խաչքար են կոտրել: Խաչքարը մարտական գործողությունների ընթացքում հրաշքով կանգուն է մնացել, այն կոտրել են, երբ քաղաքում արդեն ռուսական զորքեր են եղել:
Ուկրաինահայ վերլուծաբան Մարատ Հակոբյանը մեզ հետ զրույցում ասաց, որ կատարվածն ակնհայտորեն վանդալիզմ է.
«Հայկական սփյուռքը մշտապես հետևում է հայկական ժառանգության և հուշարձանների վիճակին, այս դեպքում մեր հայրենակիցները լուսանկար են ուղարկել նաև կոտրված խաչքարով։ Խաչքարը պահպանվել է մարտական գործողությունների ժամանակ, սակայն այն բանից հետո, երբ քաղաքն անցել է ռուս զավթիչների ձեռքը, խաչքարի հետ պատահածն այն է, ինչ տեսնում ենք լուսանկարում։ Ակնհայտորեն գործ ունենք վանդալիզմի հետ, զավթիչները միայն թալանել ու ջարդուփշուր անել գիտեն»-նշեց Մարատ Հակոբյանը: