ԱՄՆ նախկին փոխդեսպան, միջազգայնագետ Արմեն Խարազյանը ակնհայտ է համարում ռուս-ադրբեջանական օպերատիվ համագործակցությունը Արցախում:
Խարազյանի կարծիքով՝ ինքնապաշտպանության խնդրում Հայաստանը թերացել է․ «Հայաստանի նպատակը պետք է լինի ինքնապաշտպանությունը, ոչ թե պարզունակ զինվելը: Ռիսկերից վախենալ պետք չէ, պետք է կառավարել: Արցախը կորավ, որովհետև Հայաստանը փակել էր բոլոր հնարավորությունների դռները: Հայաստանը ցուցաբերել է անկարողություն․ «Բայրաքթարներին» այլընտրանք է առաջարկվել, բայց մերժել ենք»:
Չկա ռուսական զենքով հայկական բանակի արդիականացում, ասում է Խարազյանը և հավելում՝ դա ինքնախաբեություն է․ «Հայաստանն ունի հնարավորություն ռազմավարություն մշակել ԱՄՆ-ի ու ԵՄ-ի հետ․ բայց համառորեն հրաժարվում է: Ռազմական համագործակցությունը «դախլա» չէ, որ Հայաստանին առաջարկեն․ Հայաստանն ինքը պետք է նախաձեռնող լինի»,-նշեց Արմեն Խարազյանը: