Չեխիայում գործող «Օրեր» եվրոպական ամսագրի գլխավոր խմբագիր Հակոբ Ասատրյանի գնահատմամբ՝ Հայաստանի իշխանությունը իրատեսական մոտեցում է ցուցաբերում ստեղծված իրավիճակին:
Ասատրյանը կարծում է, որ մեր արտաքին քաղաքականությունը պետք է լիներ հարձակողական, ոչ թե պաշտպանողական․ «Հայաստանը պետք է ակտիվացնի դիվանագիտական աշխատանքը, ուժեղացնի սպառազինությունը:Պետք է մեր ձայնը լսելի դարձնել միջազգային քաղաքական ասպարեզում: Խաչմերուկում լինելը և բացասական դեր ունի, և դրական, եթե ճիշտ գործենք: Ապահով խաչմերուկում հայտնվելը մենք չենք որոշում, Հայաստանի փոխարեն որոշել են»:
Ըստ Ասատրյանի՝ Հայաստանի ներքաղաքական կյանքը կտրված է աշխարհաքաղաքական զարգացումներից: