Գեղարքունիքի մարզի Սեւան համայնքի ավագանու հերթական նիստում ներկայացված օրակարգային հարցերին նախորդել են Սեւան համայնքի ղեկավար Սարգիս Մուրադյանի դիտարկում-պարզաբանումները համայնքում տեղի ունեցող ծրագրերի, ընթացիկ աշխատանքների վերաբերյալ։
Ինչպես տեղեկացրին Սեւանի համայնքաօպետարանի աշխատակազմից, Սարգիս Մուրադյանը տեղեկացրել է ավագանու անդամներին, որ համայնքի կողմից ուղարկված սուբվենցիոն հայտերն արժանացել են հավանության, եւ այժմ համայնքապետարանում իրականացվում է ծրագրային հայտերի փաստաթղթերի հավաքագրման փուլը, որին կհաջորդի փաթեթների կազմումը եւ կառավարություն ներկայացնելը։
Համայնքի ղեկավարն անդադարձել է ինքնակամ շինություններին, այդ ուղղությամբ իրականացվող օրենսդրական կարգավորումներին։ Ապա նիստն անցել է օրակարգային հարցերի քննարկմանը։ Օրակարգում ընդգրկված են եղել « Սեւան համայնքի համայնքային սեփականություն հանդիսացող հողերն աճուրդ-վաճառքի միջոցով օտարելու, վարձակալության կամ կառուցապատման իրավունքով տրամադրելու մասին», «Սեւան համայնքում հողօգտագործման, բնակելի ու ոչ բնակելի տարածքների, հողօգտագործման վարձավճարներ եւ այլ տեղական վճարներ սահմանելու մասին», «Սեւան համայնքի / բնակավայրի / գլխավոր հատակագծի լրամշակման` Գագարին բնակավայրի ներառմամբ նախագծի պահանջներին հողատարածքների եւ շենք-շինությունների նշանակությունները համապատասխանեցնելու մասին», «Սեւան համայնքի վարչական սահմաններում գտնվող հողամասերը վարձակալության եւ կառուցապատման իրավունքով տրամադրելու նպատակով մրցույթների կազմակերպման համար մրցութային հանձնաժողով ստեղծելու մասին»,
«Սեւան համայնքի վարչական սահմաններում գտնվող հողամասերը աճուրդային կարգով օտարելու համար աճուրդային հանձնաժողով ստեղծելու մասին», Սեւան համայնքի սեփականություն հանդիսացող շարժական գույքը օտարելու մասին», Սեւան համայնքում եւ Սեւանի համայնքապետարանի աշխատակազմում մի շարք կարգեր հաստատելու մասին», Սեւանի համայնքապետարանի խնամակալության եւ հոգաբարձության հանձնաժողովի քանակական եւ անհատական նոր կազմը հաստատելու մասին», «Սեւան համայնքի ավագանու 1-ին նստաշրջանի 3-րդ նիստի օր սահմանելու մասին» հարցերը։
Վերոնշյալ հարցերը, ինչպես նաեւ մի շարք դիմումներ ներկայացվել են համայնքի ավագանու անդամների քննարկմանը, որոնց վերաբերյալ կայացվել են համապատասխան որոշումներ։
Սեւան համայնքի ավագանու հաջորդ նիստը կայանալու է 2022 թվականի ապրիլի 12-ին։
