Ավստրիայի արտգործնախարարի Հայաստան կատարած այցից անմիջապես հետո հայտնի դարձավ, որ Հայաստանի ու Թուրքիայի հատուկ բանագնացների երկրորդ հանդիպումը տեղի կունենա փետրվարի 24-ին՝ Վիեննայում: Հիշեցնենք, որ հայ-թուրքական ֆուտբոլային դիվանագիտությունն իրականացվում էր շվեյցարական միջնորդությամբ: Արդյոք Ավստրիան կարող է ավելի երկարաժամկետ դեր ստանձնել հայ-թուրքական գործընթացում, թե Վիեննան պետք է դիտարկել զուտ որպես հանդիպման վայր կամ կողմերը հանդիպման համար ընտրել են եվրոպական քաղաք աշխարհաքաղաքական հավասարակշռությունը պահպանելու համար՝ հաշվի առնելով հայ-թուրքական գործընթացի շահառուների լայն շրջանակը: Այս և մի շարք այլ հարցեր «Առաջին Լրատվական»-ը քննարկել է թուրքագետ, ակադեմիկոս Ռուբեն Սաֆրաստյանի հետ: «Այս բանակցային գործըթնացը կընթանա առանց որևէ միջնորդության, դրա մասին են վկայում կողմերի հայտարարությունները: Ավստրիան որպես միջնորդ հանդես չի գա: Իսկ Վիեննան ընտրվել է որպես չեզոք մայրաքաղաք: Բացի այդ այստեղ շատ են տեղի ունենում նմանատիպ հանդիպումներ տարբեր երկրների պատվիրակությունների միջև: Չեմ կարծում, որ հետագայում բանակցությունները կշարունակվեն Վիենայում, դրանք կամաց-կամաց կտեղափոխվեն Երևան կամ Անկարա»,-ասաց Սաֆրաստյանը:
Առավել մանրամասն՝ տեսանյութում: