Ուկրանիայի նախագահ Վլադիմիր Զելենսկին հայտնել Է, որ ՆԱՏՕ-ի գլխավոր քարտուղար Ենս Ստոլտենբերգի հետ քննարկել Է համագործակցության ամրապնդման հարցը Սեւ եւ Ազովի ծովերի տարածաշրջանում:
«Ցանկանում եմ ընդգծել, որ Ուկրաինան ՆԱՏՕ-ի հուսալի գործընկերն Է, որը ձգտում Է զարգացնել եւ խորացնել մեր փոխգործակացությունը, այդ առնչությամբ մենք քննարկեցինք համագործակցության հնարավոությունը Սեւ եւ Ազովի ծովերի տարածաշրջանում: Հանդիպման ընթացքում մեք մանրամասնորեն քննարկեցինք մեր փոխգործակցության ուղղությունները»,- ասել Է նա դեկտեմբերի 16-ին ՆԱՏՕ-ի գլխավոր քարտուղարի հետ կայացած ճեպազրույցի ընթացքում:
Նախագահը նաեւ հավելել Է, որ քննարկել Է «Ուկրաինայի ներգրավման հարցը ՆԱՏՕ-ի հակազդման ուժերին եւ համատեղ զինավարժանքներին»: Զելենսկին եւ Ստոլտենբերգը նաեւ քննարկել են համագործակցության ամրապնդման հարցերն Ուկրանիայի եւ Եվրոպայի անվտանգության համար գոյություն ունեցող մարտահրավերների դիմակայման գործում: Նա հայտարարել Է, որ Ուկրաինայի եվրատլանտյան ուղեգիծը մնում Է անփոփոխ: «Մեր եվրատլանտյան ուղեգիծը մնում Է անփոփոխ: ՆԱՏՕ-ի կողմից կա հայտարարում, որ դաշինքի անդամակցումը յուրաքանչյուր պետության իրավունքն Է»,- ասել Է Զելենսկին, հաղորդել Է ՏԱՍՍ-ը:
