Այսօր Արարատ խոշորացված համայնքում ՏԻՄ ընտրություններ են: Ինչպես շատ այլ համայնքներում, Արարատում ևս արձանագրվել է մասնակցության պասիվություն, բավականին ցածր տոկոս: «Առաջին լրատվականը» զրուցել է Արարատ խոշորացված համայնքի ՝ «Հանուն Հանրապետության» կուսակցության համայնքապետի թեկնածու Արսեն Հակոբյանի հետ ընտրությունների ընթացքից:
Թեկնածուի խոսքով՝ ընտրությունների մասնակցությունը, հաամեմատած նախորդ անգամների, բավականին ցածր է, որը, ըստ նրա, մարդիկ հուսախաբված են ու հիասթափված բոլոր ուժերից, ընդդիմություն-իշխանություն աթոռակռվից: Հակոբյանի գնահատմամբ՝ ընտրությունները անցնում են բավականին շատ ընտրախախտումներով և իշխանության կողմից վարչական չարաշահման դեպքերով, որոնց անրադառնալ հիմա չի ցանկանում, կխոսի ավելի ուշ:
