Ոսկու հանքի շուրջ 150 աշխատակից է տարհանվել Ադրբեջանի ԶՈւ-ի կրակոցների հետևանքով. աշխատակիցներից որևէ մեկը չի տուժել։
Ադրբեջանական կողմի կրակոցների հետևանքով Գեղարքունիքի մարզի Սոթքի ոսկու հանքի աշխատանքը կանգնեցվել է։ Տեղեկությունը Sputnik Արմենիային հայտնեց «Գեոպրոմայնինգ գոլդ» ընկերության ներկայացուցիչ Ռուզաննա Գրիգորյանը։
«Դեռ գիշերը, երբ սկսեցին կրակոցները, մեր աշխատակիցներին տարհանել ենք տարածքից։ Այս պահին հանքի աշխատանքը դադարեցվել է»,–ասաց Գրիգորյանը։