Իսրայելի առողջապահության նախարարությունը թույլատրել է բուժհաստատություններին կորոնավիրուսի դեմ պատվաստել 5-11 տարեկան երեխաներին, սակայն միայն այն դեպքում, եթե նրանց մոտ առկա է վարակի ծանր ձևի զարգացման կամ մահվան ելքի ռիսկ։
«Գոյություն ունեն հատուկ հանգամանքներ, որոնց պարագայում յուրաքանչյուր կոնկրետ դեպքում պետք է դիտարկվի պատվաստման տարբերակը»,-նշել են Առողջապահության նախարարությունում։
Պատվաստումները երկրում սկսվել են դեկտեմբերի 20-ից, իսկ հունիսից պատվաստվում են 12-15 տարեկանները։ Երկրում մինչ օրս հակակորոնավիրուսային պատվաստանյութի առաջին դեղաչափը ստացել է 5,767 մլն քաղաքացի, երկրորդ դեղաչափը՝ 5․32 մլն-ը, ինչը կազմում է բնակչության՝ համապատասխանաբար ավելի քան 60 և 56 տոկոսը։