Գերմանիայի արևմուտքում գտնվող Արվայլեր թաղամասում ավերիչ ջրհեղեղի հետևանքով ավելի քան 90 մարդ է զոհվել, տուժել է 618 մարդ: Այս մասին ասվում է շաբաթ օրը Կոբլենցայում ոստիկանության տարածած հաղորդագրության մեջ։
Երկուշաբթի օրվանից Գերմանիայի արևմուտքում և հարավ-արևմուտքում տեղացած հորդառատ անձրևները հանգեցրել են ուժեղ ջրհեղեղի։ Հորդառատ անձրևների պատճառով ափերից դուրս են եկել Ռեյնի Ար և Մոզել վտակները, ինչպես նաև փոքր գետեր՝ Զաուեր, Պրյում, Նիմս, Քիլ, Էրֆթ: Տարերքի հետևանքով զոհվել է ավելի քան 100 մարդ։
Գերմանիայի արևմուտքում Արվայլեր շրջանի իշխանությունները հայտնել են, որ անհետ կորած է շուրջ 1.3 հազար մարդ: Մարդկանց գտնելու համար գործի են դրվել ոստիկանական ուղղաթիռներ։
Շուլդ կոմունայում ջրհեղեղը հանգեցրել է բնակելի տների փլուզման, տասնյակ շենքեր փլուզման վտանգի տակ են:
Հատկապես բարդ իրավիճակ է ստեղծվել Ալտենա, Զոլինգեն և Ռայնբախ քաղաքներում, Արվայլեր և Ուննա շրջաններում։ Շատ բնակավայրերում արտակարգ դրության ռեժիմ է հայտարարվել։
Գերմանիայի պաշտպանության նախարարությունը ռազմական աղետի ռեժիմ է սահմանել երկրի արևմուտքում։
Առանց խմելու ջրի են մնացել Էշվայլեր քաղաքի բնակիչները։ Ջրհեղեղը վնասել է ջրատար համակարգը, որը խմելու ջուր է մատակարարում ավելի քան 56 հազար բնակիչների։
Տարածաշրջանի ավելի քան 100 հազար բնակիչներ մնացել են առանց էլեկտրականության։
DPA-ն հայտնում է, որ Շտոլբերգում կողոպտիչները սկսել են ոսկերչական խանութներ թալանել։ Չարագործները նաև փորձել են կողոպտել սուպերմարկետը և տնտեսական ապրանքների խանութը, սակայն փախուստի են դիմել ոստիկանության ժամանումից հետո:
WATCH: Helicopter crews fly out dozens of people stuck in flood zones in west Germany. Some 1300 people are still missing. pic.twitter.com/alPMZHzjEX
— DW News (@dwnews) July 15, 2021
Жуткие кадры из Германии. Сильнейшие ливни обрушились на запад страны, затоплены целые населенные пункты. Количество жертв продолжает расти, десятки человек пропали без вести pic.twitter.com/35DGHUX1WS
— DW на русском (@dw_russian) July 15, 2021
